देशभरात सर्वसामान्यांसाठी कोविड लसीकरण सुरू झालेय. काही कंपन्यांनी कर्मचार्यांच्या कोविड लसीकरणाचा खर्च उचलण्याची घोषणा केलीय. एसबीआय, इन्फोसिस, टीसीएस आणि आरपीजी ग्रुपने कर्मचाऱ्यांसह त्यांच्या कुटुंबीयांच्या कोव्हिड लसीकरणाचा खर्च उचलणार असल्याचं सांगितलं आहे. या व्यतिरिक्त भारतीय बँक असोसिएशनने आपल्या सर्व सदस्य बँकांशी सल्लामसलतही केली असून, बँकांना कर्मचाऱ्यांच्या लसीकरणाचा खर्च उचलणार आहेत.
एसबीआयने बुधवारी इंटर्नल कम्युनिकेशन म्हटले आहे की, आयबीएने सरकारला प्रस्ताव दिलाय की, कोरोना लसीकरणासाठी प्राधान्य यादीमध्ये बँक प्रवर्तकांचा समावेश करावा. त्यास अद्याप मान्यता देण्यात आलेली नाही. दरम्यान, आयबीएने सर्व बँकांना आणि आपल्या कर्मचार्यांना त्यांच्या आणि त्यांच्यावर अवलंबून असलेल्या सदस्यांच्या लसीकरणाचा खर्च उचलण्याचे निर्देश दिलेत. ही किंमत सरकारने ठरविल्याप्रमाणेच दिली जाणार आहे. म्हणूनच एसबीआय आपल्या अडीच लाख कर्मचाऱ्यांच्या लसींचा भार घेईल.
Accenture ने घोषित केले आहे की, ते आपल्या कर्मचार्यांच्या कोव्हीड लसीकरणाचा खर्च आणि त्यांच्यावर अवलंबून असणाऱ्या कुटुंबीयांना कंपनीच्या वैद्यकीय लाभ कार्यक्रमात समाविष्ट करतील. Accenture चे भारतात 2 लाख कर्मचारी आहेत. आंतरराष्ट्रीय आरोग्य संस्था आणि स्थानिक आरोग्य अधिकाऱ्यांसह बाह्य तज्ज्ञांच्या मार्गदर्शक सूचनांवरही कंपनी लक्ष ठेवेल. Accenture चे अध्यक्ष आणि वरिष्ठ व्यवस्थापकीय संचालक रेखा एम मेनन यांनीही सांगितले आहे की, कंपनी आपल्या कर्मचार्यांच्या लसीकरणाचा खर्च उचलेल. आमच्या वैद्यकीय लाभ कार्यक्रमांतर्गत कर्मचार्यांच्या लसीकरणाचा भार आम्ही उचलू.
इन्फोसिसचे मुख्य कार्यकारी अधिकारी (सीओओ) प्रवीण राव यांनी ई-मेलच्या निवेदनात म्हटले आहे की, “इन्फोसिस हेल्थकेअर प्रदात्यांसह भागीदार होण्याची शक्यता शोधून काढत आहे. त्यांचे कर्मचारी आणि त्यांच्या कुटुंबीयांना लसी द्यावी,” असे इन्फोसिसचे मुख्य कार्यकारी अधिकारी (सीओओ) प्रवीण राव यांनी एका ई-मेल निवेदनात म्हटले. भारत सरकारने ठरविलेल्या मार्गदर्शक सूचनांनुसार आणि मान्यता दिलेल्या कार्यपद्धती आणि टाइमलाइननुसार हा कार्यक्रम होणार आहे.
RPG Group चे जवळपास 25000 कर्मचारी आहेत. ग्रुप अध्यक्ष, ग्रुप एचआर एस व्यंकटेश म्हणतात, आता आम्ही खासगी क्षेत्राच्या कर्मचाऱ्यांसाठी लसीच्या वाटपाबाबत धोरण स्पष्ट होण्याची वाट पाहत आहोत. टीसीएस प्रवक्त्याचे म्हणणे आहे की, साथीच्या रोगाची लागण झाल्यापासून आम्ही आमच्या कर्मचार्यांना आणि त्यांच्या कुटुंबीयांना साथ दिलीय. यात कोविड चाचणी आणि कोरोनातून रुग्ण बरे करणे समाविष्ट आहे. हे सहकार्य लसीकरण टप्प्यातही सुरूच राहील.
वेदांता, एनटीपीसीनेही कर्मचारी लसीकरणाचा खर्च उचलण्याचा निर्णय घेतलाय. एनटीपीसीचे म्हणणे आहे की, ते सुमारे 19000 कर्मचारी आणि त्यांच्या अवलंबितांच्या लसीकरणासाठी खर्च उचलणार आहे. वेदांता यांनी म्हटले आहे की, ते लवकरात लवकर आपल्या कर्मचार्यांना आणि त्यांच्या कुटुंबातील सदस्यांसाठी लशीची व्यवस्था करीत आहेत. वेदांता समूहाचे सीएचआरओ मधु श्रीवास्तव म्हणतात की, लसीकरणाच्या दुसऱ्या टप्प्यात खासगी रुग्णालयात लसींनाही परवानगी आहे, त्यामुळे कंपनी विविध ठिकाणी भागीदारांचा शोध घेत आहे.
