माण नदीच्या पुरात म्हसवड शहरातील दुकाने गेली वाहून

माण तालुक्यात नुकत्याच झालेल्या पावसाने माण नदीला पूर आला असून . माण नदीच्या पात्रा  शेजारी असणारी दुकाने वाहून गेली आहेत . नदीकडेला असणाऱ्या शेतामध्ये  पाणी घुसून पिकांचे हि नुकसान झाले आहे . नदीला आलेल्या पुरामुळे म्हसवड मधून जाणारी वाहतूक म्हसवड आटपाडी रास्ता ,म्हसवड ते वरकुटे  कडे जाणारा रस्ता ,त्याचबरोबर म्हसवड दिंगणजी कडे जाणारे सर्व रस्ते बंद झाले आहेत . पहाटे झालेल्या पावसामुळे नदीकाठी असणाऱ्या  टपऱ्या ,चहाची दुकाने व किरकोळ  दुकाने वाहून गेली  आहेत . हे पाहण्यासाठी  लोकांनी सकाळी गर्दी केली होती .माण  तालुका हा दुष्काळी तालुका असल्याने एवढा पाऊस कधीच होत नसतो . परतीचा  जेवढा पाऊस पडतो त्या पावसावरच वर्षभर लोकांना  पाणी पुरत असते .परंतु चालू वर्षांमध्ये कमी दाबाच्या पट्टण्यांमुळे दुष्काळी भागात हि पूर परिस्थिती निर्माण झाली आहे . जी माण  गंगा कायम कोरडी असते त्याच माण गंगेला  पूर आल्यामुळे नदीकाठी असणाऱ्या लोकांना पूर परीस्थितिला सामोरे जावे लागत आहे . प्रमाणापेक्षा जास्त पाऊस झाल्याने पिकांचे हि मोठ्या प्रमाणार नुकसान झाले आहे .