महाबळेश्वर येथे ३०० फूट दरीत पडलेल्या युवकाचे प्राण वाचवण्यात ट्रेकर्सच्या जवानांना यश

तीनशे फूट खोल  दरीत अठरा तासाहून अधिक  काळ अडकलेल्या  युवकास  जीवदान मिळाले . अमृत रांजणे हा ३५ वर्षाचा  युवक  हा नवी मुंबई येथे एका  कंपनी मध्ये कामास आहे . तो कंपनीतील सहकाऱ्यांसोबत महाड येथे आला  होता . शनिवारी सुट्टी असल्याने तो आपल्या मूळ गावी जाण्यासाठी महाड येथून पोलाद पूर येथे आला . येथून तो एका  खाजगी वाहनाने महाबळेश्वर कडे निघाला . वाहन अंभेनळी  घाटात आल्यानंतर तो त्या वाहनातून खाली उतरला . ते  वाहन पुढे निघून गेली व तो घाटात तिथेच दरीच्या टोकावर तो बराच वेळ उभा राहिला होता . दरीत पाहण्याच्या नादात त्या  युवकाचा तोल जाऊन तो खोल दरीत कोसळला . दरीत घसरत जाऊन तो तीनशे फूट खोल दरीत खाली गेला . त्याने वाचवण्यासाठी आवाज दिला परंतु रात्र झाल्यामुळे  कोणीच प्रतिसाद दिला  नाही . रविवारी सकाळी एक नव दांपत्य त्याच ठिकाणी सेल्फी घेत असताना त्यांना वाचावा वाचावा असा आवाज आला . त्यांनी तातडीने महाबळेश्वर पोलीस स्टेशन ला फोन करून हि माहिती दिली . महाबळेश्वर पोलिसांनी महाबळेश्वर ट्रॅकर्सना  बोलावले . ट्रेकरच्या जवानांनि बचाव कार्याचे साहित्य घेऊन घटना स्थळी धाव घेतली . ट्रेकर्सचे जवान अनिल केळघने  ,नगरसेवक कुमार शिंदे ,सुनील भाटीया ,सुनील वाडकर ,अमित कोळी ,संदीप जांभळे ,जयवंत बिरामने यांनी चार तासाच्या  प्रयत्न्न  करून  त्या युवकाला जीवदान दिले . महाबलेश्वर ट्रेकरच्या  जवानांचे महाबलेश्वर मध्ये  कौतुक होत आहे .